Bakı.Trend:

Azərbaycandan Çexiyaya ixrac olunan neftin həcmi dəyər ifadəsində 30 faiz artıb.

Dövlət Gömrük Komitəsinin məlumatına görə, 2026-cı ilin yanvar-sentyabr aylarında Azərbaycandan Çexiyaya 1,326 milyon ton bitumlu süxurlardan alınan xam neft və neft məhsulları ixrac edilib. İxracın dəyəri 908,5 milyon ABŞ dolları təşkil edib.

Trend-in hesablamalarına görə, 2025-ci ilin müvafiq dövrü ilə müqayisədə ixracın dəyəri 207,1 milyon ABŞ dolları və ya 30 faiz artıb, fiziki həcmi isə 18 min ton və ya 1,4 faiz yüksəlib. Ötən ilin yanvar-sentyabr aylarında Çexiyaya 701,4 milyon ABŞ dolları dəyərində 1,308 milyon ton neft və bitumlu süxurlardan alınan neft məhsulları ixrac olunub.

2021-2025-ci illərdə Azərbaycandan Çexiyaya bitumlu süxurlardan alınan neft və neft məhsullarının ixrac həcmi aşağıdakı kimi dəyişib:

İl

İxrac həcmi

İxrac dəyəri

2021

479,5 min. ton

261,5 mln. ABŞ dolları

2022

1,194 mln.ton

919,9 mln. ABŞ dolları

2023

1,136 mln.ton

682,9 mln. ABŞ dolları

2024

1,770 mln.ton

1,082 mlrd ABŞ dolları

2025

1,405 mln.ton

742,2 mln. ABŞ dolları

Komitənin məlumatına görə, bu ilin yanvar-sentyabr aylarında Azərbaycanın neftinin ən böyük üç idxalçısı arasında birinci yeri İtaliya tutur (8,881 milyon ton, 5,511 milyard ABŞ dolları dəyərində). Sonrakı yerlərdə Çexiya (1,326 milyon ton, 908,5 milyon ABŞ dolları dəyərində) və Rumıniya (1,014 milyon ton, 644,3 milyon ABŞ dollarından çox dəyərində) qərarlaşıb.