Rusiya elitası arasında Vladimir Putinə alternativ tapmaq üçün açıq bir tələb var. Modern.az xəbər verir ki, bunu iqtisadçı Aleksandra Prokopenko Almaniyanın "Frankfurter Allgemeine Zeitung" qəzetinə verdiyi müsahibədə bildirib. O, Ukrayna ilə aparılan müharibənin başlamasından təxminən dörd il sonra hakim dairələrin vəziyyətini təhlil edərkən bu qənaətə gəlib.

Prokopenko sözlərinə görə, Ukraynanın işğalı dönüş nöqtəsi olub. Hakim elita əvvəllər Putini qocalmış avtokrat olsa da, rasional siyasətçi hesab edirdi. Bu qavrayış indi sarsılıb; çoxları onun getməsini istəyir.

Aleksandra Prokopenko deyib ki, dəyişiklik tələbi təkcə müharibə əleyhdarları arasında deyil. Prezidenti cəbhədə "yumşaq" olmaqda günahlandıran hərbi blogerlər də daxil olmaqla müharibə tərəfdarları da narazıdır.

Bəzi məmurların qorxu ilə deyil, ümidlə qarşıladığı 2023-cü ildə Yevgeni Priqojin üsyanı bu gözləntilərin simvolu olmuşdu. Nəşrin məlumatına görə, qorxu ilə iflic olmuş və müstəqillikdən məhrum olan elita "vəziyyəti kökündən dəyişdirə" biləcək xarici qüvvəni gözləyir.

Qorxu sistemdə əsas amilə çevrilib: keçmiş ləyaqət və sədaqət artıq təhlükəsizliyi təmin etmir. Prokopenkonun sözlərinə görə, Kreml təhrif olunmuş informasiya mühitində qapanıb: prezidentə bəzəkli bir obraz təqdim olunur, iqtisadiyyat isə durğunlaşır, neft gəlirləri və ehtiyatlar azalır.