Bakı.Trend:

Azərbaycanın sığorta şirkətlərinin səkkiz ay ərzində sığorta ödənişlərinin həcminə görə renkinqi açıqlanıb.

Azərbaycan Mərkəzi Bankının (AMB) məlumatına görə, cari ilin yanvar-avqust aylarında Azərbaycanda fəaliyyət göstərən sığorta şirkətləri tərəfindən 773,2 milyon manat məbləğində sığorta ödənişi həyata keçirilib.

Bankın məlumatına əsasən, bu göstərici ötən ilin müvafiq dövrü ilə müqayisədə 28,1 faiz çoxdur.

Azərbaycanın sığorta şirkətlərinin 2026-cı ilin yanvar-avqust ayları üzrə sığorta ödənişlərinin həcminə görə renkinqi:

Şirkətin adı

Məbləğ (mln. manat)

Paşa Həyat Sığorta

477,193

Paşa Sığorta

115,057

Atəşgah Həyat

80,405

Atəşgah

28,328

Qala Sığorta

16,254

Azərbaycan Sənaye Sığorta

12,334

Meqa Sığorta

11,306

A-Qroup

8,522

Xalq Sığorta

6,494

Meqa Həyat Sığorta

4,278

Xalq Həyat Sığorta

3,279

Qala Həyat

3,271

Aqrar Sığorta

1,708

AzSığorta

1,247

İpək Yolu Sığorta

0,274

Sığorta ödənişlərinin həcminə görə 2026-cı ilin yanvar-avqust aylarında ilk pillədə 477,193 milyon manat göstərici ilə "Paşa Həyat Sığorta" qərarlaşıb. İkinci yerdə 115,057 milyon manatla "Paşa Sığorta", üçüncü yerdə isə 80,405 milyon manatla "Atəşgah Həyat" yer alıb.

Renkinqin növbəti pillələrində "Atəşgah" – 28,328 milyon manat, "Qala Sığorta" – 16,254 milyon manat, "Azərbaycan Sənaye Sığorta" – 12,334 milyon manat və "Meqa Sığorta" – 11,306 milyon manat göstəriciləri ilə qərarlaşıb.

Renkinqdə təmsil olunan digər şirkətlərin ödənişlərinin həcmi 10 milyon manatdan az olub. Belə ki, "A-Qroup" 8,522 milyon manat, "Xalq Sığorta" 6,494 milyon manat, "Meqa Həyat Sığorta" isə 4,278 milyon manat məbləğində ödəniş həyata keçirib.

Ən aşağı göstəricilər "Aqrar Sığorta"da (1,708 milyon manat), "AzSığorta"da (1,247 milyon manat) və "İpək Yolu Sığorta"da (274 min manat qeydə alınıb).