Bakı.Trend:

Sentyabrın 10-dan etibarən Ukraynanın paytaxtı Kiyevdə komendant saatının müddəti bir saat qısaldılacaq və həmin gecə saat 01:00-dan səhər saat 05:00-dək qüvvədə olacaq.

“İnterfaks-Ukraina” agentliyinin məlumatına görə, bu barədə Kiyev meri Vitali Kliçko Kiyev Müdafiə Şurasının qərarının nəticələrinə dair danışarkən bildirib.

Onun sözlərinə görə, bu qərar hökumətin qərarı və paytaxtda təhlükəsizlik vəziyyətinin pisləşməsi şəraitində şəhər təsərrüfatının fəaliyyətinə dair bir sıra şəhər təşəbbüslərinə uyğun olaraq qəbul edilib.

“Hökumətin qərarına əsasən, komendant saatı bir saat qısaldılacaq və gecə saat 01:00-dan səhər saat 05:00-dək qüvvədə olacaq. Bu dəyişikliklər sentyabrın 10-u saat 00:00-dan qüvvəyə minəcək”, – deyə bazar ertəsi yayılan məlumatda bildirilib.

Komendant saatının müddətinin qısaldılması ilə əlaqədar paytaxtda ictimai nəqliyyatın iş qrafiki bir saat uzadılacaq.