Bakı. Trend:

Türkiyə Ankara, Ər-Riyad və İslamabad tərəfindən avqustun 7-də imzalanmış Məkkə sazişinə Misirin də qoşulacağına ümid edir.

Bu barədə Türkiyənin Xarici İşlər naziri Hakan Fidan Misirin Əl-Ələmin şəhərində misirli həmkarı Bədr Əbdül Əti ilə danışıqların yekunlarına dair mətbuat konfransında bildirib.

"Biz bu məsələni ilk gündən misirli qardaşlarımızla müzakirə edirik. Bölgədə həll etdiyimiz bütün məsələlər üzrə çox sıx əməkdaşlıq edirik. Hazırda onlar bu məsələni ətraflı şəkildə öyrənirlər, ümid edirik ki, tezliklə bizim rəsmi tərəfdaşımız olacaqlar", – deyə Fidan qeyd edib.

O, Məkkə paktının heç bir üçüncü ölkəyə qarşı yönəlmədiyini vurğulayıb.