Bakı. Trend:

Yeni Zelandiya Amerika ordusunun hesabına yaşayır.

Trend xarici mediaya istinadla xəbər verir ki, bunu ABŞ-nin müdafiə katibi Pit Heqset bildirib.

Heqset ABŞ-nin müttəfiqlərinin milli xərclərinin ən azı 3,5%-ni müdafiəyə ayırmalı olduqlarını qeyd edib. O vurğulayıb ki, Vaşinqton vəziyyəti ayıq qiymətləndirən və milli maraqlarını müdafiə etməyə hazır olan tərəfdaşlara üstünlük verəcək. Onlar sürətləndirilmiş silah çatdırılmasına, sənaye əməkdaşlığına və genişləndirilmiş kəşfiyyat paylaşımına etibar edə biləcəklər.

"Amerikalı vergi ödəyicilərinin səxavətindən faydalanmağa davam edənlərə demək istəyirik ki, o günlər artıq bitdi. Kollektiv müdafiəmiz üçün ayağa qalxmaqdan və öz töhfələrini verməkdən imtina edən müttəfiqlər işimizin aparılma tərzində açıq dəyişikliklərlə qarşılaşacaqlar".

Pentaqon rəhbəri Yeni Zelandiyanın müdafiə xərclərini ÜDM-in 2%-nə qədər artırmaq planları ilə bağlı son məlumatlara da münasibət bildirib. Heqset bu xərcləri "pulsuz xərcləmə" adlandırıb. O, ölkəyə qarşı heç bir iddiası olmadığını vurğulayıb, lakin ABŞ tərəfdaşlarının müdafiə səylərini artıracağına ümid etdiyini bildirib.

Yeni Zelandiyanın müdafiə xərcləri 2026-cı ildə ölkənin ÜDM-nin 1,23%-ni təşkil edəcək. Yeni Zelandiyanın maliyyə naziri Nikola Uillisin sözlərinə görə, hökumət bu il müdafiə xərclərini artıq 9% artıraraq 3,5 milyard Yeni Zelandiya dollarına (2,05 milyard dollar) çatdırıb.