Bakı. Trend:

Azərbaycan ərazisindən tranzit yüklərin həcmi son yeddi ildə təxminən üç dəfə artıb və 2025-ci ilin sonuna qədər bu rəqəm 14 milyon tonu keçəcək.

Trend xəbər verir ki, bu barədə Baş nazirin müavini Şahin Mustafayev "Rusiya — İslam dünyası" (KazanForum-2026) Beynəlxalq İqtisadi Forumunda bildirib.

"Konteyner daşımaları xüsusilə dinamik şəkildə artır. 2025-ci ildə onların həcmi 21% artıb. Çindən Azərbaycan ərazisindən keçən blok qatarlarının sayı 2024-cü ildəki 287-dən 2025-ci ildə 392-yə yüksəlib. Növbəti illərdə bu rəqəmin ildə 1000 qatarı keçəcəyi gözlənilir", - deyə o qeyd edib.

Ş.Mustafayev vurğulayıb ki, bu artım infrastruktur layihələrinin həyata keçirilməsi, rəqəmsallaşdırma və sıx regional əməkdaşlıq sayəsində baş verib.